Шаноўныя калегі!

  З сардэчнай цеплынёй і шчырай удзячнасцю за штодзённую карпатлівую працу дасылаем віншаванні з нагоды прафесійнага свята - Дня настаўніка.

  Ніколі настаўніцкі шлях не быў простым і лёгкім.  Абраная прафесія патрабуе высокага прафесіяналізму, душэўнай чысціні і шчодрасці, бацькоўскай спагады, цяпла і нястомнай любові да выхаванцаў. Настаўнік сваімі справамі, сваім словам выкладае найгалоўнейшую ў свеце навуку - быць людзьмі. 

  І ад таго, як сёння мы наладзім сваю працу, які закладзём падмурак, залежыць будучыня айчыннай адукацыі і ўвогуле ўсяго нашага грамадства.

  Дарагія сябры! Жадаем плёну ў справах, творчых поспехаў, душэўнай раўнавагі, міру, дабрабыту ў кожны дом, надзейных таварышаў і аднадумцаў.