Добры настрой яшчэ доўга не пакідаў удзельнікаў сустрэчы
05.12.2023Напярэдадні зімы свой 85-гадовы юбілей адзначыла педагог-ветэран Жвірко Яніна Аляксандраўна. Павіншаваць былую калегу прыйшлі члены прафкама gzhвічнай прафсаюзнай арганізацыі дзяржаўнай установы адукацыі "Вішнеўская сярэдняя школа Валожынскага раёна", былыя калегі і вучні, якія вельмі захапляліся ўрокамі гісторыі, што выкладала Яніна Аляксандраўна. Разам успомнілі школьныя гады, вучняў і самыя цікавыя падзеі з жыцця.
Свае падарункі падрыхтавала і надвор'е! Настаўнікі разам з вучнямі з задавальненнем дапамаглі ачысціць ад снегу тэрыторыю двара шаноўнай імянінніцы. Добры настрой яшчэ доўга не пакідаў удзельнікаў сустрэчы, бо "рака ўспамінаў" цякла паволі...